Bandera de la India

Bandera de la India
Datos
Estáu	India
Fecha d'adopción	22 de xunetu de 1947 (76 años)
Proporción	3:2
Colores	naranxa (#FF671F)      blancu (#FFFFFF)      verde (#046A38)      azul (#06038D)
Elementos representaos	Chakra Ashoka (es) (Naval) campo (es) (naranxa, blancu, verde)
Diseñador	Surayya Tayyabji y Pingali Venkayya

La bandera de la India, tamién conocida como tiranga (तिरंगा en hindi) que significa trés colores, anque nun se trata d'una bandera tricolor, ta compuesta por trés franxes horizontales coles mesmes dimensiones, de color naranxa la cimera,^[1] blancu la central y verde la inferior. Nel centru tien una rueda azul marín con venticuatro pico, conocida como ashoka chakrá, tomada de la columna Ashoka (en Sarnath). El diámetru d'esti chakrá ye trés cuartes partes del altor de la franxa blanca. La proporción ente l'altor de la bandera contra'l so anchu ye 2:3.^[2] La bandera ye tamién l'estandarte del exércitu indiu, asitiáu diariamente nes instalaciones militares. La bandera nacional de la India foi adoptada na so forma actual mientres una xunta ad hoc de l'Asamblea Constituyente celebrada'l 22 de xunetu de 1947, pocos díes antes de la independencia de los británicos el 15 d'agostu. Sirvió como bandera nacional del Dominiu d'India ente'l 15 d'agostu de 1947 y el 26 de xineru de 1950 y de la República d'India d'ende d'equí p'arriba.^[3]

N'India, el términu "tricolor" (tri rangā, en hindi) refierse práuticamente en tou momentu a la bandera nacional. El color azafrán significa'l coraxe, el sacrificiu y l'espíritu d'arrenunciu, el blancu la pureza y la verdá, y el verde la fe y la fertilidá. La rueda representa'l calter dinámicu d'un cambéu pacíficu, realizáu de forma progresiva.

Tien De destacar que'l color que s'usa anguaño na parte alta en toles sos formes -incluyendo esta páxina- ye rellumada naranxa o calabaza en cuenta de azafrán o más tonalidaes más escures d'este, como'l goldenrod o'l goldenrod escuru.

El diseñu de la bandera foi realizáu por Pingali Venkayya.^[4] Les especificaciones de la bandera riquen que la bandera seya fecha solamente de khadi, un tipu especial d'estambre texíu a mano. L'usu y l'amosamientu de la bandera son regulaos dafechu pol Códigu Indiu de la Bandera.^[2]

1. ↑ Official Flag Website, Government of India.
2. ↑ ^{2,0 2,1} «Flag Code of India» (inglés). Gobiernu d'India. Archiváu dende l'orixinal, el 7 d'abril de 2009. Consultáu'l 4 de mayu de 2009.
3. ↑ Heimer Željko (n'inglés). India. Flags of the World. http://www.crwflags.com/fotw/flags/in.html. Consultáu'l 6 de setiembre de 2009. 
4. ↑ «National Flag of India». Funmunch.com. Consultáu'l 22 de xunu de 2009.